Mkuu wa Mkoa wa Tanga Agiza Maafisa Mipango Kuwashirikisha Wananchi katika Mipango ya Maendeleo

 Mkuu wa Mkoa wa Tanga Mhe.Chiku Gallawa akizungumza na Maafisa Mipango wa Halmashauri za Mkoa wa Tanga(hawapo pichani) kwenye ukumbi wa Mikutano wa Ofisi ya Mkoa, kulia ni Katibu Tawala Mkoa wa Tanga Bw.Benedict Ole Kuyan.

 

    Baadhi ya Maafisa Mipango wa Halmashauri za Mkoa wa Tanga wakiwa kwenye Ukumbi wa Mikutano Ofisi ya Mkoa.

 

Mkuu wa Mkoa wa Tanga Mhe. Chiku Gallawa ameagiza Maafisa Mipango   kuwashirikisha wananchi katika kuleta maendeleo na kuwataka watoke Maofisini waende Vijijini kukutana na waalengwa  na kuacha kutumia mawazo ya Watendaji, wito huo aliutoa kwenye kikao kilicho husisha Maafisa Mipango wa Halmashauri za Mkoa wa Tanga kilichofanyika kwenye Ukumbi wa Mikutano Ofisi ya Mkoa mwishoni mwa wiki.

Maafisa Mipango wafikirie vipaumbele vya Maendeleo kwa wananchi katika eneo husika ili kujua changamoto zinazowakabiri kwa kuitisha mikutano ya hadhara kila baada ya Miezi Mitatu na pia amewataka Maafisa Mipango kubuni vyanzo vya mapato kuliko kutegemea pesa kutoka Serikalini.

 Mhe. Gallawa amesisitiza kuwa  Wananchi  wanatakiwa wawe watu wa naoibua mipango wakihusishwa kuanzia ngazi ya Kijiji hadi Halmashauri na sio watendaji wa Vijiji na Kata ambao hutumia zaidi Mawazo yao ambayo hupelekea Mipango duni kwa Serikali.

Katika Mpango wa Mabadiliko Makubwa Sasa(BRN) Mhe. Gallawa alitaja vipaumbele vya Mkoa wa Tanga kuwa ni Mapato, Huduma za Jamii na Mazingira.Kwa upande wa Mapato amesisitiza Pato la Mtu binafsi kwa kuanzisha mfumo utakao mwezesha mzalishaji wa kwaida ambao utajumuisha Masoko na Usafirishaji kwa kutumia Stakabadhi.