WAJUMBE WA TUME YA KUREKEBISHA SHERIA WATEMBELEA OFISI YA MKUU WA MKOA

 

 Mkuu wa Mkoa wa Tanga, Mhe. Chiku Gallawa akiwa na wajumbe wa tume ya kurekebisha sheria ofisini kwake. Kushoto ni Mwenyekiti wa tume Bw. Aloyius Mujulizi, wa kwanza kulia ni Katibu msaidizi wa tume Bi. Agnes Myeyekwa na kulia kwake ni katibu mtendaji Bi. Winfrida Korosso

Mkuu wa Mkoa wa Tanga Mhe. Chiku Mgallawa akutana na wajumbe wa tume ya kurekebisha sheria ofisini kwake ambao wamefika katika Wilaya ya Tanga kwa lengo la kuzungumzia masuala ya mapitio ya sheria mbalimbali zikiwemo sheria ya Ardhi, maisha ya wazee, mchakato wa kupitia sheria ya haki za walaji pamoja nasheria ya makosa ya jinai.

Ujumbe huo ambao umeongozwa na mwenyekiti wa tume Bw. Aloyious Mujulizi umefika mkoani Tanga kwa ajili ya kikao cha wafanyakazi kujadili masuala mbalimbali ikiwemo mapitio ya sheria ya migogoro ya ardhi. Naye  Katibu Tawala mkoa wa Tanga Bw. Benedict Ole Kuyan  alipotembelewa ofisini kwake  amesema kuwa kikao hicho ni muhimu sana kwa sababu Tanga ni mojawapo ya mikoa inayokabiliana na changamoto ya migogoro ya ardhi kati ya wakulima na wafugaji

Akizungumzia mafanikio na changamoto za Mkoa wa Tanga Mhe. Gallawa amesema kuwa  Mkoa wa Tanga una shughuli nyingi za maendeleo ikiwemo kilimo na ufugaji, Utalii, pamoja na Mawasiliano na Uchukuzi. Kwa upande wa utalii kuna maeneo ya magofu, Mapango ya Amboni pia kuna hifadhi za Wanyama pori kama Saadani ambavyo kwa pamoja huvutia watalii.

Vilevile Mhe. Gallawaamezungunzia mawasiliano na uchukuzi  na kuonesha hatua kubwa kwenye Miundo mbinu bora ya usafirishaji akijumuisha barabara, Reli na kiwanja cha Ndege ambacho kwa sasa idadi ya abiria wanaosafiri kwa Ndege hufikia 250 kwa siku. Hilo ni ongezeko kubwa ukilinganisha na miaka nyuma. Lakini pia amezungumzia usafiri wa Majini kutoka Bandari ya Tanga na Kuingia umeongezeka kwa kiasi kikubwa.                                                                           

Pia amesisitiza nia ya serikali katika kunufaisha wananchi na ardhi yao hasa katika  uwekezaji  ambapo wawekezaji na wananchi huingia ubia badala ya kuchukua ardhi . Hii ni kwa kufuata utaratibu na kulinda mali za wananchi.

 Mhe. Gallawa aliwataka wajumbe wa tume ya marekebisho ya sheria kusaidiana na Serikali katika changamoto ya kutatua migogoro ya Ardhi ambayo huchelewa kufanyiwa ufumbuzi, mapitio ya Sheria ya Ardhi lazima yaendane sawa na uhifadhi wa mazingira.

 Katibu Tawala Mkoa wa Tanga Bw. Benedict Ole Kuyan (katikati) akiwa na Kaimu Mkurugenzi Utawala  na Rasilimali watu ( kulia)  ofisini kwake. Kushoto ni Afisa Habari wa Tume

   Katibu Mtendaji  wa tume Bi. Winfrida Korosso  akikabidhi nakala za vitabu vya mapitio ya mfumo wa sheria zinazohusu utatuzi wa migogoro ya ardhi 2013 kwa Katibu Tawala Mkoa wa Tanga Bw. Benedict Ole Kuyan.