Mkuu Wa Mkoa Tanga Mhe. Gallawa Atembelea Maonesho ya Pili ya Biashara Yanayofanyika Mkoani Tanga

Mhe. Chiku Gallawa akisalimiana na Watumishi wa Mamlaka ya Bandari Tanga wakati akitembelea maonesho ya pili ya Biashara yanayoendelea hadi Juni 02, 2014 katika viwanja vya  Tangamano Jijini Tanga alasiri jana. Kwa mara ya kwanza maonesho ya Biashara Mkoani Tanga yalifanyika  Mei mwaka 2013.Akihojiwa na Waandishi wa Habari mara baada ya kutembelea mabanda ya maonesho, Mhe Chiku Gallawa ameuhakikishia umma kuwa Ulinzi na Usalama umeimalishwa  na ametoa wito kwa wakazi wa Tanga na wananchi kwa ujumla  kutembelea maonesho hayo ili kujionea bidhaa na fursa za biashara

 

Mhe. Gallawa na Katibu Tawala Mkoa wa Tanga Bw. Salum Mohamed Chima (kulia mwenye shati jeupe) wakiangalia bidhaa ya mkoba ambao umetengenezwa  kutokana na zao la Mkonge walipotembelea banda la kampuni ya Katani

Mkuu wa Wilaya ya Handeni Mhe. Mhingo Rweyemamu (kushoto) akifafanua jambo kuhusiana na kilimo bora na cha kisasa cha matunda wakati Mhe. Gallawa alipotembelea banda la wakulima kutoka Halmashauri ya Handeni

Mhe. Chiku Gallawa akisalimiana na Meneja wa kituo cha Radio cha Breeze FM, Bi. Agnes Mambo wakati alipotembelea banda la kituo hicho