BREAKING NEWS

                                            

Breaking news……………………………..!

AJALI MBAYA YASABABISHA VIFO VYA WAANDISHI WA HABARI NA AFISA UHAMIAJI WILAYANI HANDENI

Ajali hiyo imetokea katika kijiji cha Misima katika barabara ya Handeni Korogwe ikihusisha gari la Mkurugenzi wa Halmashauri ya Handeni. Gari hiyo ilkuwa katika msafara wa ziara ya Mkuu wa Wilaya ya Handeni Mhe. Muhingo Rweyemamu wakielekea katika shughuli ya upandaji miti.

Watu watatu wamefariki dunia wakiwemo Afisa Uhamiaji wa Wilaya ya Handeni Bi. Mariam Hassani, Mwandishi wa Habari Bw. Hamis Bwanga aliyekuwa akiripotia gazeti la Uhuru na Radio Abood na mwandishi wa Habari Bw. Hussen Semdoe aliyekuwa akiripotia gazeti la Mwananchi.

Aidha wamepatikana majeruhi  wannne ambao ni watumishi wa Halmashauri ya Handeni. Juhudi  za kuwakimbiza majeruhi katika hospitali ya KCMC (Kilimanjaro) zimekamilika na taratibu za mazishi zinaendelea .

 Ofisi ya Mkuu wa Mkoa inatoa pole kwa wafiwa, Halmashauri ya Wilaya ya Handeni, Ofisi ya Uhamiaji ,Tasinia ya Habari na wananchi kwa ujumla .

Tutaendelea kupashana yanayojili.