Kesho kivumbi mashindano ya UMISSETA kanda ya Kaskazini Mashariki

Hayawi hayawi sasa yanakuwa Mikoa ya Tanga na Kilimanjaro kesho   hadi tarehe 06/06/2013 kuchuana ili kupata washindi wa michezo mbalimbali  wakatao wakilisha kanda ya kasikazini Mashariki katika mchuano wa Kitaifa  ukakaofanyika  Kibaha kuanzia tarehe 10Juni, 1013.

Akizungumza ofisini kwake  leo ,Ofisa Michezo Mkoa Bi. Digna Tesha amesema tayari  wanamichezo kutoka shule za sekondari Kilimanjaro wamekwishawasili kwa ajili ya mpambano huo ambao utafanyika saa mbili asubuhi katika viwanja vitatu tofauti kulingana na aina ya michezo .

 Viwanja hivyo ni pamoja na Shule ya Ufundi Tanga ( mpira wa miguu kwa wavulana, mpira wa mikono na riadha), Mkwakwani ( mchezo wa kikapu) na uwanja wa Popatlal ( mpira wa wavu, Netiboli na mpira wa miguu kwa wasichana.

Aidha mara baada ya kupatikana washindi kutakuwa na siku mbili za kuweka kambi ya mazoezi tarehe 07-08/06/2013kujiandaa na mchuano wa Kitaafa na tarehe 09/06/2013 watakuwa safarini kuelekea Kibaha  tayari kwa mchuano.

Tunawatakia kheri na mafanikio mema vijana wetu wa Tanga katika mashindano ya Kikanda.

UMISSETA OYEEEEEEEEEEEEEEEEEEEEE!!!!!!!!!!!!!!!!!!!!!!!!!!!!