Shida ya maji Mkoani Tanga kubaki historia

Serikali kwa kushirikiana na wadau mbalimbali wa maendeleo imesikia kilio cha muda mrefu cha ukosefu wa maji  Mkoa wa Tanga na hivyo kuwekeza nguvu zake katika upatikanaji maji. Mwenge wa uhuru umefanikiwa kuzindua na kufungua miradi mikubwa  ya maji yenye kusudi la kupunguza na kumaliza kabisa tatizo la maji Mkoani Tanga. Mwenge umezindua  mradi wa maji  wilaya ya Kilindi wenye thamani ya shiling 263,395,507.74, mradi wa maji  wa bwawa la wimba katika kijiji cha Suwa wilayani  Handeni unaogharimu shilingi 513,800,000 na mingine kama picha zinavyoonyesha. Miradi yote imetekelezwa kwa nguvu za serikali, wananchi na wadau wa maendeleo nchini.

Kiongozi wa mbio za Mwenge wa Uhuru 2013 Bw. Juma ali Simai akifungua mradi wa maji  kisima cha  Mang’enga wilaya ya Muheza wenye thamani ya shilling 100,000,000 ambao unawanufaisha wakazi wa  Muheza kwa maji safi na salama. Pichani ni Mkuu wa wilaya ya Muheza Mhe.Subira K. Mgalu akiwa na ndoo ya maji.

Kiongozi wa mbio za Mwenge  Bw. Juma Ali Simai akifungua mradi wa maji safi na salama katika kijiji cha Madanga wilayani Pangani ambao umegharimu kiasi cha shilingi  234,203,872. Kulia ni mkuu wa wilaya ya Pangani Mhe. Hafsa  M. Mtasiwa na wa pili kulia ni kiongozi wa mbio za Mwenge Kimkoa  Bw. Jacob H. Kingazi. Mradi unategemewa kunufaisha wakazi wa kata mbili zenye wakazi zaidi ya 2500.

Mwanafunzi Fatuma Hassani wa darasa la saba akibebeshwa ndoa ya maji na Kiongozi wa mbio za Mwenge wa Uhuru kitaifa Bw.  Juma Ali Simai wakati wa ufunguzi wa  mradi wa uvunaji maji ya mvua katika Shule ya Msingi Manza wilayani Mkinga  ambao utasaidia upatikanaji wa maji salama  na kuboresha usafi wa mazingira shuleni hapo. Gharama ya mradi huu ni jumla ya shilingi 11,246,500.

Mkuu wa wilaya ya Lushoto Mhe Majid Mwanga akishuhudia ufunguzi wa  maji safi na salama uliofanywa na Kiongozi wa mbio za Mwenge Bw. Ali Simai  katika kituo cha walimu Bumbuli (TRC)   wilaya ya Lushoto.