Barabara ya Handeni- Korogwe yakamilika

 

Barabara yenye kilometa 65 kwa kiwango cha lami inayounganisha Handeni Korogwe na kugharimu kiasi cha shilling billion 63.199 iko mbioni kuanza kutumika kutokana na ujenzi wake kuwa katika hatua za mwisho . Barabara hii inajengwa kwa udhamini wa Serikali ya Jamhuri ya muungano wa Tanzania kwa asilimia 100% na inategemewa kunufaisha wakazi wa Mkoa wa Tanga na maeneo jirani.

Akisoma repoti ya  maendeleo ya Ujenzi huo kwa Mkuu wa Mkoa Mhe. Chiku Gallawa wakati wa ukaguzi , Meneja wa TANROADS Eng. Alfred Ndumbaro amebainisha changamoto ambazo wamekumbana nazo kuwa ni pamoja na wananchi kutodhamini mchango wa serikali katika kuwaletea maendeleo kwani baadhi ya wakazi wamekuwa na tabia ya kuiba baadhi ya vifaa na pia kupitisha mifugo katika barabara inayojengwa.

Ujenzi wa barabara hii ulianza februari 2010 chini ya usimamizi wa TANROADS na kukamilika kwake kutasaidia  katika usafirishaji hivyo kuwapunguzia wananchi kero ya usafiri.

Meneja wa TANROADS Eng.Alfred Ndumbaro akiwasilisha repoti ya ujenzi wa barabara ya Handeni – Korogwe

Mkuu wa Mkoa wa Tanga Mhe. Chiku Gallawa akikaguzi ujenzi wa barabara ya Handeni- Korogwe 

Wajumbe wa Kamati ya Ulinzi na Usalama ya Mkoa wa Tanga wakipita katika barabara hiyo wakati wa ukaguzi

Kipande cha eneo la barabara hiyo