Baraza la Madiwani Tanga Kuanza Kupokea Taarifa za Maendeleo ya Kata

Naibu Meya Mhe.Mzamili Shemdoe akisisitiza jambo wakati wa  Baraza la Madiwani. Kulia ni Mkurugenzi wa Halmashauri ya Jiji la Tanga Bi. Juliana Malange

   Baadhi ya wajumbe wa Baraza la Madiwani 

 

Baraza la Madiwani Wilaya ya Tanga limekubaliana na hatua mpya ya kupokea taarifa ya maendeleo ya kila Kata kwa kila kikao halali cha Madiwani na makubaliano yamefanyika wakati wa kikao cha kawaida cha Madiwani kilichofanyika tarehe 7/11/2013 katika ukumbi wa mikutano wa Mipango miji jijini Tanga. Hatua hiyo imepongezwa na wajumbe wa Baraza hilo kwa kile kinachoaminika kuwa itachochea harakati za maendeleo katika Kata hizo.

 Awali Baraza la Madiwani limekuwa na kawaida ya kupokea taarifa za maendeleo kutoka katika kamati mbalimbali za maendeleo  zikiwemo Kamati ya Fedha, Kamati ya Mipango miji na mazingira,  Kamati ya Afya, Kamati ya Ukimwi na Maadili na nyinginezo. Mbali na taarifa kutoka katika Kamati mbalimbali , Serikali imeona kuwa ipo haja ya kupata taarifa ya kila Kata ili kuchochea nguvu ya maendeleo ya kila Kata.