Ufahamu Mpango wa Matokeo Makubwa Sasa

 Mchumi Mkuu wa Mkoa wa Tanga Bi Annunciata .A. Lyimo akiwasilisha mada ya Mkakati wa Matokeo Makubwa Sasa wa Mkoa wa Tanga wakati wa Kikao cha Kamati ya Ushauri Cha Mkoa (RCC).

Kama sehemu ya juhudi ya kuitoa nchi kutoka kwenye kipato cha chini kwenda kipato cha kati, kuanzia mwaka wa fedha wa 2013/2014, kwa msaada wa wabia na maendeleo, Tanzania inatekeleza mpango wa matokeo makubwa sasa; kwa kuitumia mfumo wa maendeleo uliopata mafanikio makubwa nchini Malaysia

Mfumo kabambe wa utekelezaji wa maendeleo, ulioelezwa kuwa ni ukuaji wa haraka unaotokana na wananchi “marathoni” unazingatia maeneo sita ya kipaumbele yaliyoelezwa katika dira ya maendeleo ya Taifa ya 2025: nishati na gesi asilia, kilimo, maji, elimu, usafirishaji na utafutaji wa rasilimali. Matokeo Makubwa Sasa ulizinduliwa na Rais Kikwete, Februari, 2013. Mafunzo ya wiki 8 yaliyoongozwa na wataalamu wa sera ya Malaysia yalitumia uzoefu wa kitengo cha utendaji wa Menejimenti na utoaji huduma kupanga na kutekeleza mfumo utakaofaa kwa Tanzania.

Ili nchi ipate kipato cha kati ifikapo mwaka 2025, ni muhimu kwamba upangaji wa maendeleo usiwe tena mchakato wa siri kwa watendaji wakuu peke yao na kwamba wananchi washirikishwe kwa ukamilifu katika kujifunza kuhusu mipango ya maendeleo na kutoa michango yao itakayozingatiwa. Uwazi na ufanisi ni dhana zinazoongoza na upunguzaji wa rushwa utakuwa muhimu sana.

Usimamiaji wa utelekezaji wa matokeo makubwa sasa ni jukumu la kitengo cha utoaji huduma (kilichopo Ofisi ya Rais). Chombo hiki kinawakutanisha wataalamu na wadau muhimu wanaoamua na kukubaliana kuhusu vipaumbele na kuviboresha ili viweze kutekelezeka. Mara nyingi udhaifu wa mara kwa mara umesababisha vipaumbele vya Tanzania kupuuzwa; matokeo ya haraka sasa inakusudiwa kuhakikisha kuwa kuna mabadiliko ya mwenendo huo wa zamani, kwa kutayarishwa taratibu zitakazohakikisha kuwa viongozi wa ngazi za juu wa serikali wanashughulikia vipaumbele kwa uthabiti zaidi na kuonyesha matokeo na kutimiza malengo yaliyowekwa. Sehemu hii inakupa taarifa kuhusu sekta sita za kipaumbele za mpango wa matokeo makubwa sasa.

 Katika Mkoa wa Tanga, kipaumbele katika miradi ya Matokeo Makubwa Sasa kinaelekezwa katika sekta ya maji, Elimu na Mapato. Mkoa unaazimia kuongeza pato la mtu mmoja mmoja kutoka 886,343 (2011) hadi 1,500,000 ifikapo mwaka 2015 kupitia sekta za uzalishaji mali, kilimo na ufugajji wa mifugo na nyuki.

Lengo hilo pia litafikiwa kwa kukuza uchumi na kipato kupitia vikundi vya kiuchumi vya vijana na wanawake katika maeneo ya mijini na vijijini na pia kuongeza mapato ya Halmashauri za Wilaya, Miji na Jiji kutoka wastani wa 4% hadi 15% ifikapo mwaka 2015.

Kwa upande wa elimu, Mkoa umekusudia kupadisha ufaulu kutoka 32% hadi 60% kwa shule za msingi na sekondari.  Ni Mkakati wa Mkoa wa Tanga pia kutoa huduma ya maji kwa umbali usiozidi mita 400 kwa kufikia 50% ifikapo 2015.

Mkoa wa Tanga umejipanga kuendelea kuboresha huduma za kinga na tiba na kutilia mkazo matumizi ya huduma za bima ya afya CHF kufikia  mwaka 2015.  Malengo hayo yatafikiwa kwa bajeti ya shilingi 17,634,463,495 iliyoidhinishwa na Bunge mwaka 2013/2014 na pia kwa kutegemea michango ya wadau mbalimbali wa maendeleo.