Watayarishaji wa Vipindi vya Elimu kwa Umma Waaswa Kuwa Wazalendo kwa Kufanya Kazi kwa Weledi

Katika jambo linalotiliwa mkazo kwa Wanahabari nchini na pia duniani kote ni kufanya kazi kwa weledi. Ukweli huu umejidhihilisha waziwakati   Mkuu wa Mkoa wa Tanga Mhe. Chiku Gallawa  akifungua rasmi mkutano wa 97 wa watarishaji wa vipindi vya Elimu kwa Umma leo unaofanyika katika ukumbi wa mikutano wa Tanga Beach Resort Jijini Tanga.

“Naamini mafunzo haya yatatoa matokea ambayo ni mazuri na kuwaongezea wanahabari uelewa mzuri wa kuwafikishia wananchi habari ambazo ni sahihi na ambazo zitawasiadia kuinuka kiuchumi hasa mkijikita katika masuala ambayo yanawagusa moja kwa moja wananchi “Amesisitiza Mhe. Gallawa.

Aidha ameonya tabia ya ubinafsi ambayo imo miongoni mwa wanahabari ambao hutafuta habari zenye uchochezi, kuleta hasira na baadaye kuleta uvunjifu wa amani nchini. Ameongeza kusema kuwa unahitajika uzalendo katika taaluma ya habari kwani wanahabari wana nafasi kubwa katika jamii ya kuweza kuihabarisha na kuielimisha jamii.

Naye Mkurugenzi wa Shirika la Utangazaji Tanzania Bw. Clement Mshana amesema lengo la mkutano huo ambao utamalizika tarehe 11/12/2013 ni kuwakutanisha watayarishaji wa vipindi vya elimu kwa umma ili kubadilishana mawazo, uzoefu na kupeana mbinu mbalimbali zitakazowezesha utayarishaji mzuri wa vipindi vyenye lengo la kuelimisha umma.

Mhe. Chiku Gallawa, Mkuu wa Mkoa wa Tanga akifungua rasmi mkutano wa watayarishaji wa vipindi vya elimu kwa umma.

Mkurugenzi wa Shirika la Utangazaji Tanzania (TBC) akielezea lengo la mkutano huo

Baadhi ya washiriki wa Mkutano