Watumishi Kutoka Secretarieti Ya Mkoa wa Tanga Washiriki mafunzo ya Zimamoto na Uokoaji

Watumishi wa kada mbalimbali kutoka katika Ofisi ya Mkuu wa Mkoa wa Tanga  wamepatiwa mafunzo juu ya   uokoaji wakati wa majanga ya moto jana katika Ofisi za Mkuu wa Mkoa wa Tanga na Jeshi la Zimamoto na Uokoaji . Madhumuni ya mafunzo hayo  ni kuwawezesha watumishi hao kujifunza na kutafakari njia  za kuzuia majanga ya moto kutokea na endapo yatatatokea waweze kujua taratibu za kiusalama za kukabiliana na hali hiyo. Jeshi la Zimamoto na Uokoaji ni Idara ya Serikali iliyo chini ya Wizara ya Mambo ya Ndani na inaendesha shughuli zake  chini ya sheria  ya Zimamoto na Uokoaji “ The Fire and Rescue Force Act No . 14 ya mwaka 2007.

Koplo  Musa Msengi, Afisa wa Mafunzo kutoka Jeshi la Zimamoto na Uokoaji ( kulia) akitoa maelezo  kwa Watumishi kutoka Secretarieti ya Mkoa wa Tanga  juu ya matumizi ya vifaa vya Zimamoto  ( Fire extinguishers) kwa moto mdogo unaochukua dakika 0 hadi 3 . Kulia ni Koplo Grace J. Silayo na Koplo Diriki Loshashi (katikati)  ambaye ni Mkuu wa Mafunzo  Kutoka Jeshi la Zimamoto na Uokoaji Mkoani Tanga

   Koplo Musa Msengi akielezea matumizi ya kifaa cha zimamoto kinachoitwa (Hose reel) kwa lugha ya kitaalamu ambacho hutumika kuzimia moto  wa wastani unachukua dakika 4 hadi 9

 

mafunzo vitendo ya kifaa cha "Hose reel"

 

 Watumishi wa kada mbalimbali kutoka Secretarieti ya Mkoa wa Tanga wakisikiliza kwa makini wakati wa mafunzo ya nadharia ya uokoaji wakati wa majanga ya moto ambayo yamefanyika  kwenye ukumbi wa mikutano wa Ofisi ya Mkuu wa Mkoa wa Tanga

 

 

Visima maalumu kwa ajili ya maji yanayotumika wakati wa  uokoaji ( Hyhdrants) ni muhimu kutunzwa na kuenziwa  . Pichani , Koplo Msengi akionyesha mfano wa matumizi ya kisima kilichopo katika eneo la Ofisi ya Mkuu wa Mkoa. Mwenye suti nyeusi ni Katibu Tawala Mkoa wa Tanga Bw. Salum M. Chima (Alhaj)