Serikali Yaitaka TANROADS Kuwa Wakala Bora wa Barabara Barani Africa

Serikali imeitaka TANROADS kuwa Wakala Bora wa barabara Barani Africa kwani secta ya barabara inatoa mchango mkubwa katika maendeleo ya Mkoa na nchi kwa ujumla. Ni jukumu la TANROADS kutekeleza majukumu yake kwa kuzingatia kanuni na sheria za nchi.

Hayo yamesemwa na Mgeni rasmi Mhe. Hafsa Mtasiwa , Mkuu wa Wilaya ya Pangani ambaye amemwakilisha Mkuu wa Mkoa wa Tanga Mhe. Chiku Gallawa alipokuwa akisoma hotuba wakati wa ufunguzi wa Mkutano wa nne wa Baraza la Wafanyakazi wa Wakala wa Barabara (TANROADS) linaloendelea  katika ukumbi wa hoteli ya Tanga Beach Resort Jijini Tanga leo na kumalizika tarehe 18Juni, 2013.

Naye Eng. Mfugale, ambaye ni mwenyekiti wa baraza la Wafanyakazi anaelezea lengo la Baraza la Wafanyakazi  ni kuwaleta wajumbe wote pamoja katika kutafakari na kujipima ni kwa jinsi gani malengo yamefikiwa na kwa jinsi gani wajipange kwa mwaka mwingine.

Akitoa shukurani wakati wa kumkaribisha mgeni rasmi, Bi.Hawa Mmanga ambaye ni Mwenyekiti wa body ya Wakurugenzi wa TANROADS ameiahidi Serikali kuwa watahakikisha kuwa Wakala wa barabara inatekeleza majukumu yake kwa kufuata kanuni na taratibu za nchi na hawataruhusu utoaji wa kazi kwa mkandarasi yeyote asiyekidhi matakwa ya kazi.

   Sehemu ya Wajumbe wa Baraza la Wafanyakazi wa TANROADS

wakiimba wimbo wa mshikamano

Eng. Patrick MFugale, Mwenyekiti wa Baraza la Wafanyakazi wa TANROADS akimkaribisha mgeni rasmi

 Wajumbe wa Baraza la Wafanyakazi wa TANROADS

 

 

   Bi.Hawa Mmanga, Mwenyekiti wa body ya Wakurugenzi ya TANROADS akitoa neno la shukurani

  Picha ya pamoja ya Mhe. Hafsa Mtasiwa na Wajumbe wa baraza la Wafanyakazi