Kukamilika Kwa Jengo La Makao Makuu ya Halmashauri Ya Mkinga Ni Faraja Kwa Wananchi

Watumishi wa Halmashauri ya Wilaya Mkinga kuanza kufanya kazi kwa ufanisi na kutoa huduma kwa wananchi kwa ukaribu hii ni baada ya ujenzi wa jengo la Makao Makuu ya Halmashauri kufikia hatua nzuri.

Akiweka jiwe la msingi wa ujenzi wa jengo hilo ambalo linatarajiwa kugharimu kiasi cha shilingi za Kitanzania Bilioni 4,402,166,504/=, Kiongozi wa mbio za Mwenge wa Uhuru 2014 kitaifa amepongeza juhudi za Serikali katika kuwaletea wananchi wake maendeleo . pia ametoa onyo kwa baadhi ya wananchi wanaobeza juhudi za Serikali katika kuwaletea wananchi wake maendeleo.

Katika miradi yake, Halmashauri ya Wilaya ya Mkinga  imekuzindua tovuti yake yenye anuani www.mkinga.go.tz ambayo inatoa fursa kwa wakazi wa Mkinga na wananchi kwa ujumla kufahamishwa na kuelimishwa shughuli, mikakati na fursa za maendeleo katika Wilaya hiyo.

Akitoa taarifa ya miradi, Mkuu wa Wilaya ya Mkinga Mhe. Mboni Mgaza amesema Mwenge wa Uhuru umeapata fursa ya kutembelea miradi saba yenye thamani ya bilioni 9.9  katika wilaya yake . Mwenge umekimbizwa katika  Wilaya ya Mkinga Agosti 10 mwaka huu.

Zubeda Juma ambaye ni Bibi Shamba Kata ya Gombezi kijiji cha Vunde akitoa maelezo kwa Mkimbiza Mwenge wa Uhuru kitaifa  2014  Bw.Hamza Ibrahim Mahmoud kutoka Mjini Magharibi mara baada ya kukagua  mradi wa shamba la mbegu bora ya nuhogo aina ya kiroba. Mradi huo  utanufaisha wakulima kuuza mbegu na kupata chakula cha familia  na unaghaimu kiasi cha shilingi milioni  2,674,000/=

 Bi. Rachel Stephen Kassanda akizindua rasmi tovuti ya Halmashauri ya Wilaya Mkinga yenye anuani www.mkinga.go.tz

 Jengo la ofisi ya Kata Parungu Kasera Wilayani Mkinga  lililowekwa jiwe la msingi na Kiongozi wa mbio za Mwenge kitaifa 2014  Bi. Rachel Kassanda

Mwenge haubagui rangi , kabila wala itikai za kisiasa