Pangani Sasa Kunufaika na Kilimo cha Muhogo

 Mradi wa kituo cha usindikaji Muhogo wenye thamani ya shilingi milioni  56,475,000/= katika Kata ya Madanga ambao uko  unatarajiwa kuwa soko la uhakika kwa wakulima wa  Kata ya Madanga pamoja na kata jirani.

Akiweka jiwe la msingi katika ujenzi wa jengo la kituo hicho  Kiongozi wa Mbio za Mwenge 2014 Bi. Rachel Stephen Kassanda amewaasa Wakazi wa Madanga kutumia fursa hiyo adimu kwa kuzalisha kwa wingi zao la Muhogo ili kujikwamua na hali ngumu ya maisha.

Ujenzi wa kituo hiki ni nia ya serikali katika kuweka mazingira mazuri kwa wakulima kwa kuongeza thamani ya zao la muhogo.

Pamoja na mradi huo mbio za Mwenge wa Uhuru ulifanikiwa kutembelea jumla ya miradi nane (8) yenye thamani ya Bilioni 2.18 katika Wilaya ya Pangani Agosti 12, 2014  ikiwa ni pamoja na kuweka jiwe la msingi katika ujenzi wa Daharia ya wananfunzi wa chuo cha Ufundi Stadi St. Marys’ Vocational Training Centre, kukagua shamba la ufugaji nyuki kwa kikundi cha Ebeneezer.

Miradi mingine ni  uzinduzi wa  jengo la Ofisi ya Mkuu wa Wilaya , SACCOS ya Vijana na Chama cha kuweka na kukopa cha Wafugaji na kufungua mradi wa maji  Kwakibuyu ambao utanufaisha jumla wa wakazi wapatao 3,733 ambao ni sawa na asilimia 7% ya wakazi wote wa Wilaya ya Pangani.

Kwa upande wa sekta ya utalii,  Bi. Rachel Kassanda alifanikiwa  kuzindua hotel ya Saadan Park  ambao imejengwa katika kijiji cha Mkwaja na ipo pembenzoni mwa hifadhi ya Saadan ambayo ni hifadhi pekee duniani inayopakana na bahari.

 Jengo la ofisi ya Mkuu wa Wilaya ya Pangani  lililozinduliwa na kiongozi wa mbio za Mwenge wa uhuru kitaifa Bi. Rachel Stephen Kassanda 

 Bi. Kassanda akijiandaa kumtwisa  ndoo ya maji mwanakijiji wa Kwakibuyu wakati wa ufunguzi wa mradi wa maji wenye thamani ya shilingi  milioni 540,097,52 kupitia programu ya maji safi wa mazingira vijiji 10. ( RWSSP)

 Mkimbiza Mwenge kitaifa, Bw. Yusuph Athumani Shesha akipanda mti wa kumbukumbu mara baada ya kuweka jiwe la msingi mradi wa ujenzi wa daharia ya wanafuzi wa chuo cha Ufundi stadi cha St. Mary wenye thamani ya Shilingi 763,000,000/=