Madiwani Lushoto wahimizwa usimamizi mzuri wa Ukusanyaji wa mapato

Serikali imehimiza usimamizi bora wa ukusanyaji mapato katika Halmashauri za Wilaya ya Lushoto ili wananchi waweze kunufaika na mapato ya Wilaya yao. Hayo yamesemwa na Mhe. Chiku Gallawa, Mkuu wa Mkoa wa Tanga wakati wa baraza la Madiwani lililofanyika katika Ukumbi wa ofisi za Halmashauri ya Mji Lushoto.

Mhe. Gallawa amesema kuwa ni dhamana ya kila kiongozi kuhakikisha kuwa ukusanyaji wa mapato unasimamiwa vizuri ili Halmashauri ziweze kupata mapato ya kujiendesha shughuli zake  na hatimaye kuleta maendeleo kwa wananchi na kuwezesha kufikia lengo la Mkoa la Kuinua  kipato cha mkazi mmoja mmoja cha Sh millioni moja na nusu kwa mwaka.

Wakitoa maamuzi wakati wa baraza, Madiwani wamekubaliana kuwa Halmashauri zitoe mafunzo ya taratibu za manunuzi kwa watendaji wa kata ili kuwawezesha kusimamia vizuri masuala yote ya manunuzi katika kata zao.  

Mkuu wa Wilaya ya Lushoto Mhe. Majid Mwanga akichangia hoja wakati wa baraza la Madiwani

Sehemu ya Madiwani wakisikiliza kwa makini hoja za baraza